Серада, 28.06.2017, 04:48

ЗАРАЧАНСКІ КАСЦЁЛ НАЙСВЯЦЕЙШАЙ ДЗЕВЫ МАРЫІ


ЗАРАЧАНСКІ КАСЦЁЛ НАЙСВЯЦЕЙШАЙ ДЗЕВЫ МАРЫІ размяшчаецца ў цэнтры вёскі Зарачанка (Баля Касцельная) Гродзенскага раёна. Пабудаваны ў 1937 г. з цэглы. Закрыты ў 1969 г., адноўлены ў 1989—91 гг.


Помнік архітэктуры з рысамі неаготыкі. Прамавугольны ў плане аб'ём накрыты высокім двухсхільным дахам з вальмамі над пяціграннай апсідай, да якой па баках далучаны сакрысціі. У аб'ёмна-прасторавай кампазіцыі пануе вертыкальная накіраванасць архітэктурных мас. На пазбаўленых краповак плоскасных атынкаваных фасадах — спічастыя высокія вітражныя аконныя праёмы. Актыўнай дынамікай надзелены галоўны фасад з урэзанай у яго плоскасць двух’яруснай чатырохграннай шатровай вежай і прытворам перад ёй. Востраканцовы шчыпец уваходнага партала завершаны скульптурнай выявай святой Марыі, што ўзмацняе гатычны вертыкалізм кампазіцыі. Унутры зала перакрыта трохгранным скляпеннем, атынкаваныя сцены расчлянёны пілонамі. У аснову кампазіцыі цэнтральнага і дзвух бакавых алтароў, надзеленых скульптурнымі постацямі, пакладзена форма стральчатай гатычнай аркі. На правы вугал апсіды навешаны драўляны амбон. Уздоўж сцен карціны-стацыі на тэму «Крыжовы шлях Хрыста».

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [247]
Каталог файлаў [96]
Малая краязнаўчая энцыклапедыя [115]
Культура [135]
Адукацыя [12]
Спорт [419]
Здарэнні [106]
Грамадства [222]
Эканоміка [10]
Транспарт [65]
Блог [6]
Падарожнічаем разам [6]
Каляндар
«  Чэрвень 2017  »
ПанАўтСерЧацПятСубНяд
   1234
567891011
12131415161718
19202122232425
2627282930
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.