Вырашана кампактным прамавугольным у плане аб'ёмам, да якога далучаны ніжэйшыя
апсіда і прытвор, спалучэнне двухсхільных дахаў якіх стварае рытміку аб'ёмна-прасторавай кампазіцыі будынка. Ёй падпарадкавана рэгулярнае размеркаванне стральчатых аконных праёмаў і лапатак у прасценках на плоскасных бакавых фасадах. Каларыстычную палітру архітэктуры складаюць чырвоны колер дахоўкі, блакітны архітэктурных краповак і шэрая тынкоўка сцен. Унутры зала перакрыта драўляным лучковым ашаляваным вагонкай скляпеннем. Пры ўваходзе над бакавымі
каморамі выгнутая дугой
антрэсоль хораў. Уздоўж сцен развешаны карціны-стацыі на тэму «Крыжовы шлях Хрыста», на
алтарнай сцяне драўлянае ўкрыжаванне.
