БАГАТАЯ КУЦЦЯ,
шчадрэц – старадаўні звычай у славян святкаваць вечар перад Новым годам. Адзначалі багата, спадзеючыся на далейшыя здароўе і дабрабыт усёй сям'і. Нашы продкі ласаваліся
блінамі з
верашчакай і смажанай
кілбасою, скваркамі, куццёй,
крупнікам з мясам,
баршчом з буракоў.
На багатую
куццю сталыя людзі варажылі пра новы ўраджай, а дзяўчаты – пра свайго суджанага. У сувязі з гэтым звычаем быў
абрад шчадравання, калі хадзілі ад хаты да хаты; самую прыгожую, хораша ўвабраную галасістую дзяўчыну мелі за шчодру. Яна спявала адмысловыя шчадроўскія песні, якія былі падобныя да калядных. Песнямі хацелі наблізіць вясну, папрасіць багатага ўраджаю, уславіць гаспадароў, пажадаць ім здароўя і плёну, па-рознаму выкарыстоўваліся вобразы шматлікіх звяроў і птушак. Гаспадары шчыра аддзячвалі рознымі прысмакамі шчадроўнікаў.