ГАРАДОЦКАЯ КЕРАМІКА – ганчарныя вырабы майстроў з в.Гарадок Глускага раёна. Промысел вядомы са старажытнасці, у 1930-80–я г. працавала ганчарная арцель. Выраблялі паліваны чырвонагліняны посуд: гаршкі, збаны, гладышы, слоікі, макатры, міскі, глякі, фігурны посуд, цацкі.
Гарадоцкая кераміка (Глускі раён)
Вырабы вызначаюцца ўраўнаважанасцю і закончанасцю форм, высокай якасцю абпальвання, у выніку чаго празрыстая паліва мае добры бляск і роўны колер па ўсёй паверхні. Часам посуд дэкарыравалі гравіраваным хвалістым малюнкам.
Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.