ІВЯНЕЦКАЯ КАПЛІЦА размяшчаецца ў паўночна-ўсходняй частцы гарадскога пасёлка Івянец Валожынскага раёна Мінскай вобласці на могілках, за Аляксееўскім касцёлам. Пабудавана ў сярэдзіне 19 ст. з дрэва.

Твор народнага дойлідства з рысамі неакласіцызму. Вырашана прамавугольным у плане зрубам пад двухсхільным дахам, трохвугольны вертыкальна зашыты франтон якога на фасадзе падтрыманы двумя слупамі і бакавымі прасценкамі. Вертыкальна ашаляваныя сцены прарэзаны прамавугольнымі ўваходным і двумя аконнымі праёмамі.

Помнік народнага дойлідства. Вырашана прамавугольным у плане зрубам з двухграннай апсідай, двухсхільны дах над якой пераходзіць у вальмавы. Вертыкальна ашаляваныя фасады прарэзаны дзвумя прамавугольнымі аконнымі праёмамі.