МОРЫНСКАЯ КЕРАМІКА — ганчарныя вырабы з в. Морына Іўеўскага раёна. Промысел вядомы са старажытнасці да сярэдзіны XX ст. Выраблялася на ганчарным крузе, гартавалася. Прыёмы вытворчасці (прыгатаванне глінянай масы, фармоўка, тэхніка абпальвання) захаваліся з XIII ст.

У пачатку XX ст. выраблялі пераважна прадметы хатняга ўжытку: гаршкі, глякі, збаны, цёрлы, міскі, паілкі, кармушкі, накрыўкі і інш.

Вырабы вызначаюцца мяккімі, плаўнымі абрысамі, шурпатай вонкавай паверхняй з пярэстымі плямамі на чырвоным фоне; упрыгожаныя хвалістымі гравіраванымі лініямі.