ПАДЧЭНІ, падсеніГалоўная »
ПАДЧЭНІ, падсені — адкрытая галерэя ў драўляных збудаваннях. Вырашалася як стрэшка (з вынасам 1,5 — 2,0 м) на слупах (круглага ці квадратнага сячэння), змацаваных укосінамі з гарызантальнай бэлькай. Падчэні размяшчаліся з аднаго тарцовага ці падоўжнага боку будынка на даўжыню фасада, часам апяразвалі ўвесь будынак (кружганкі).
Падчэні дома ў гарадскім пасёлку Мір Карэліцкага раёна У XVII — XIX стст. рабілі ў культавых- і грамадскіх збудаваннях (гандлёвыя рады, корчмы, аўстэрыі, паштовыя станцыі), у крамах і дамах гандлёва-рамесніцкага насельніцтва для выстаўкі тавараў і аховы іх ад непагадзі (г.п. Мір Карэліцкага, в. Трабы Іўеўскага раёнаў, г. Лунінец і інш.) і ў сельскіх жылых і гаспадарчых пабудовах (да канца XIX ст.).
Крыніца: «Краязнаўчая газета» № 47 (640) снежань 2016 г. |