ПЕЛІШЧАЎСКІ КАСЦЁЛ НАЙСВЯЦЕЙШАГА СЭРЦА ІСУСА размяшчаецца ў цэнтры вёскі Пелішча Камянецкага раён Брэсцкай вобласці. Пабудаваны ў 1934 годзе з цэглы.

Помнік архітэктуры стылю мадэрн. Рознавялікія прамавугольны ў плане асноўны аб'ём пад чарапічным дахам, апсіда, две бакавыя сакрысціі і вежа-званіца аб'яднаны ў ярусную прасторава-дынамічную кампазіцыю. Званіца завершана фігурнай вежачкай. Архітэктурную выразнасць плоскасным фасадам надае рытм арачных аконных праёмаў і шырокіх лапатак. Уваход аформлены манументальным парталам з картушам у завяршэнні.

У перакрытую драўляным цыліндрычным скляпеннем залу храма раскрыта прастора апсіды. Неатынкаваныя сцены раскрапаваны пілястрамі. Захаваліся барочныя драўляныя скульптуры святых Пятра і Паўла. На хорах быў размешчаны арган, аздоблены барочнымі картушамі і скульптурамі анёлаў.