ПРАВАМАСТОЎСКІ КАСЦЁЛ СВЯТОГА ЯНА ХРЫСЦІЦЕЛЯГалоўная »
ПРАВАМАСТОЎСКІ КАСЦЁЛ СВЯТОГА ЯНА ХРЫСЦІЦЕЛЯ размяшчаецца ва ўсходняй частцы вёскі Правыя Масты Мастоўскага раёна Гродзенскай вобласці каля могілак. Пабудаваны ў 1993 годзе з чырвонай цэглы на месцы касцёла, які згарэў у 1980-я гады. Побач пастаўлена каркасная званіца. На 1997 год налічвалася каля 1 тысячы парафіян.
Прамавугольная ў плане трох нефавая двух вежавая базіліка. Над фасадам узвышаецца двухярусная ( васьмярык на чацверыку) шатровая званіца. Плоскасныя бакавыя фасады рытмічна расчлянёны ў два ярусы арачнымі аконнымі праёмамі і лапаткамі ў прасценках. Алтар вырашаны двух’яруснай трохчасткавай перагародкай, насычанай паліхромной скульптурай, жывапісам і арнаментальнай разьбой.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|