Серада, 28.06.2017, 22:14

ІЗАБЕЛІНСКІ КАСЦЁЛ СВЯТЫХ АПОСТАЛАЎ


ІЗАБЕЛІНСКІ КАСЦЁЛ СВЯТЫХ АПОСТАЛАЎ размяшчаецца ў цэнтры вёскі Ізабелін Ваўкавыскага раёна Гродзенскай вобласці. Пабудаваны ў 1778 г. з цэглы па фундацыі графа Грабоўскага як кальвінскі збор. У 1887 г. закрыты. Потым дзейнічаў як касцёл. Закрыты ў 1968 г. У 1988 г. храм адрэстаўрыраваны (архітэктар Г.П.Босак). Адкрыты і асвячоны гродзенскім біскупам А.В.Кашкевічам 18.07.1992 г.


Архітэктурны помнік адметны сціплым выкарыстаннем барочнай пластыкі, масіўнымі формамі, статычнасцю. Кампактны прамавугольны ў плане з паўкруглай апсідай аб'ём з васьміграннай шатровай вежай-званіцай над усечаным франтонам галоўнага фасада. Сіметрыя галоўнага фасада падкрэслена нізкім прамавугольным уваходным праёмам і арачным акном над ім, якое асвятляе хоры, чляненнем лапаткамі на тры часткі. Франтон дэкарыраваны панэлямі, разеткамі, крыжовымі і прамавугольнымі нішамі. Плоскасныя бакавыя фасады амаль пазбаўлены дэкору, рытмічна расчлянёны вялікімі арачнымі аконнымі праёмамі і шырокімі лапаткамі ў прасценках, апяразаны прафіляваным карнізам і тонкім паяском.

Зала перакрыта плоскай столлю, пазбаўлена архітэктурнай пластыкі, толькі два масіўныя гранёныя слупы пры ўваходзе нясуць на трайной аркадзе галерэю хораў, пад якой крыжова-скляпеністае памяшканне нартэкса. Хоры апяразаны балюстрадай. Апсіда адкрыта ў залу шырокім арачным прасветам.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [247]
Каталог файлаў [96]
Малая краязнаўчая энцыклапедыя [115]
Культура [135]
Адукацыя [12]
Спорт [419]
Здарэнні [106]
Грамадства [224]
Эканоміка [10]
Транспарт [65]
Блог [6]
Падарожнічаем разам [6]
Каляндар
«  Чэрвень 2017  »
ПанАўтСерЧацПятСубНяд
   1234
567891011
12131415161718
19202122232425
2627282930
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.