Галоўная | Рэгістрацыя | Уваход | RSS | Субота, 27.04.2024, 04:37 | ||||||||||||||||||||||||||||||||
ЕЛЬСКІ КРАЯЗНАЎЧЫ МУЗЕЙГалоўная »ЕЛЬСКІ КРАЯЗНАЎЧЫ МУЗЕЙ заснаваны ў горадзе Ельск у чэрвені 1976 г. на базе Музея народнай славы (створаны ў 1966 г.). У снежні 2004 г. адкрыта выставачная зала. Агульная плошча экспазіцыі 103 м2, выставачнай залы — 103 м2. Асноўны і навукова-дапаможны фонды (2008) складаюць 3871 экспанат. Дырэктар музея В.С.Антропава. У раздзеле «Рэвалюцыя, грамадзянская вайна, перыяд калектывізацыі» экспануюцца матэрыялы пра ўдзельніка грамадзянскай вайны С.М.Калбасіна (адзін з першых узнагароджаны ордэнам Чырвонага Сцяга) і дваццаціпяцітысячніка Р.М.Сумара, першых арганізатараў і старшынь калгасаў. Значнае месца ў экспазіцыі музея займае Вялікая Айчынная вайна. Тут адлюстравана дзейнасць падпольных абкома і райкома КП(б)Б прадстаўлены фатаграфіі сакратароў падпольнага райкома І.А.Козінцава і З.Я.Чарнаглаза, удзельнікаў падполля і партызанскага руху на Ельшчыне, матэрыялы пра дзеянні 37-й Ельскай партызанскай брыгады, звесткі пра Героя Савецкага Саюза Я.Налепку і яго баявых таварышаў-славакаў, што ўдзельнічалі ў партызанскім руху на Ельшчыне. Экспануюцца матэрыялы аб злачынствах нямецка-фашысцкіх захопнікаў у раёне, вызваленні горада і раёна воінамі 415-й стралковай дывізіі і партызанамі 37-й Ельскай партызанскай брыгады (карта-схема вызвалення Ельска); фотаздымкі ўдзельнікаў Вялікай Айчыннай вайны з Ельскага раёна, матэрыялы пра Героя Савецкага Саюза Л.М.Каплана, удзельніка французскага Супраціўлення У.Антоненку, удзельніка Парада Перамогі 1945г. і святочных парадаў на Краснай плошчы ў Маскве 1985 г., 1990-х гг. М.Дз.Бычкоўскага. У экспазіцыі аддзела прыроды прадстаўлены чучалы птушак, звяроў, калекцыі насякомых, узоры парод дрэў, лекавыя расліны і інш. Этнаграфічную калекцыю складаюць творы народнага мастацтва раёна: тканыя андаракі, кашулі, фартухі, посцілкі, паясы; матэрыялы, якія характарызуюць развіццё хатніх рамёстваў: калаўроты, кросны, церніца, каўшы, кошыкі і інш.; ганчарныя вырабы. У музеі сістэматычна праводзяцца выстаўкі жывапісу, дэкаратыўна-прыкладнога мастацтва. Пры выставачнай зале працуе музычны салон. Адрас: 247820, г.Ельск, вул.Дзяржынскага, 1 Крыніца: Музеі Беларусі Музеи Беларуси / [рэдакцыйны савет: Г.П. Пашкоў, Л.В. Календа, М.Г. Нікіцін]. - Мінск: Беларуская Энцыклапедыя, 2008. - 559 с. Аўтар: В.С.Антропава |
|