Серада, 24.01.2018, 08:23

ВЯЛІКАБЕРАСТАВІЦКІ КАСЦЁЛ ПЕРАМЯНЕННЯ ГАСПОДНЯГА


ВЯЛІКАБЕРАСТАВІЦКІ КАСЦЁЛ ПЕРАМЯНЕННЯ ГАСПОДНЯГА размяшчаецца ў цэнтры гарадскога пасёлка Вялікая Бераставіца Гродзенскай вобласці.


Касцёл закладзены 23.06.1909 г. паводле праекта гродзенскага губернскага інжынера Плотнікава. Узведзены ў 1912 г. з цэглы па фундацыі ўладальніка маёнтка графа І.Касакоўскага. Закрыты 17.06.1965 г., вернуты католікам у 1989 г., у 1990 г. адрэстаўрыраваны (архітэктары А.Бабіцын, С.Шыйко).

Помнік архітэктуры неаготыкі. Вырашаны прамавугольнай трохнефавай базілікай з пяціграннай апсідай. Галоўны фасад атрымаў дынамічную, вертыкальна накіраваную кампазіцыю, завершаную трох'яруснай шатровай вежай-званіцай, якая на другім ярусе дэкарыравана накладным двух'ярусным гатычным шчытом. Вертыкальнасць узмацняюць ступеньчатыя контрфорсы і стральчатыя праёмы. Уваход вырашаны магутным арачным парталам, запоўненым дзвярамі з мастацкай акоўкай. Каларыстычнае вырашэнне будынка дасягаецца спалучэннем фактурнай «аксамітавай» муроўкі сцен і атынкаваных элементаў архітэктурнага дэкору: лапатак, карнізаў, ліштваў, нішаў.

Гатычнай узнёсласцю вылучаецца і інтэр'ер храма, нефы якога перакрыты стральчатымі скляпеннямі з гуртамі. Драўляны амбон таксама вырашаны ў вытанчаных формах готыкі. Над нартэксам кансольны балкон арганных хораў, адкрытых у неф стральчатай аркай.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [137]
Адукацыя [13]
Спорт [501]
Здарэнні [119]
Грамадства [247]
Эканоміка [10]
Транспарт [68]
Блог [6]
Падарожнічаем разам [10]
Каляндар
«  Студзень 2018  »
ПанАўтСерЧацПятСубНяд
1234567
891011121314
15161718192021
22232425262728
293031
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.