Серада, 24.01.2018, 14:32

КАСЦЯНЕВІЦКІ КАСЦЁЛ БЕЗЗАГАННАГА ЗАЧАЦЦЯ НАЙСВЯЦЕЙШАЙ ДЗЕВЫ МАРЫІ


КАСЦЯНЕВІЦКІ КАСЦЁЛ БЕЗЗАГАННАГА ЗАЧАЦЦЯ НАЙСВЯЦЕЙШАЙ ДЗЕВЫ МАРЫІ размяшчаецца ў цэнтры вёскі Касцяневічы Вілейскага раёна Мінскай вобласці. Пабудаваны ў 1763 г. з цэглы езуітамі на ахвяраванні парафіян і мядзельскага падчашага М.Відманта і намаганнямі ксяндза-езуіта Ф.Сулістроўскага. Абнесены бутавай агароджай з трох'арачнай брамай. Рэстаўрыраваны ў 1979 г.


Першы парафіяльны драўляны касцёл Ігнація Лаёлы ўзнік у 1662 г., калі ўладальнік маёнтка П.Ляскоўскі ў 1652 г. запрасіў сюды езуітаў, якія заснавалі місію. К канцу 19 ст. парафія налічвала да 5 тысяч прыхаджан, напярэдадні Вялікай Айчыннай вайны — каля 6 тысяч.

Помнік архітэктуры позняга барока. Вырашаны суцэльным прамавугольным у плане аб'ёмам пад высокім двухсхільным дахам з вальмай над алтарнай часткай. Галоўны фасад з фігурным шчытом з бакавымі валютамі і арачным праёмам па цэнтры, крапаваны пілястрамі, завершаны шматслаёвым хвалістым карнізам. Падобны шчыт упрыгожвае нізкую бакавую сакрысцію. Рытм бакавых фасадаў ствараюць лучковыя аконныя праёмы і пілястры ў прасценках, якія крапуюць тонкапрафіляваны карніз.

Зала перакрыта драўляным каробчатым скляпеннем, сцены крапаваны слаістымі пілястрамі. Барочны архітэктанічны алтар вырашаны каланадай іанічнага ордэра з паўцыркульнай нішай па цэнтры і тонкапрафіляваным карнізам у завяршэнні. У інтэркалумніях гіпсавыя пафарбаваныя скульптуры святых. Авальная лесвіца ў тоўшчы фасаднай сцяны вядзе на драўляныя хоры, узнятыя на двух мураваных пілонах. Мастацкай каляровай мазаікай выкладзена керамічная падлога залы. Пад апсідай і паловай храма скляпеністая крыпта.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [137]
Адукацыя [13]
Спорт [501]
Здарэнні [119]
Грамадства [247]
Эканоміка [10]
Транспарт [68]
Блог [6]
Падарожнічаем разам [10]
Каляндар
«  Студзень 2018  »
ПанАўтСерЧацПятСубНяд
1234567
891011121314
15161718192021
22232425262728
293031
Хто тут?
Анлайн усяго: 2
Гасцей: 1
Карыстальнікаў: 1

vitalis
Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.