Галоўная | Рэгістрацыя | Уваход | RSS | Чацвер, 28.03.2024, 14:52 | ||||||||||||||||||||||||||||||||
НАВАЕЛЬНЯГалоўная »НАВАЕЛЬНЯ — гарадскі пасёлак у Дзятлаўскім раёне Гродзенскай вобласці, у сутоку рэк Моўчадзь і Ятранка. За 13 км на ўсход ад г. Дзятлава, чыгуначная станцыя на лініі Баранавічы — Ліда. 3,5 тыс. жыхароў (2000). Чыгуначная станцыя Вядома з 16 ст. як вёска Ельня ў Навагрудскім павеце ВКЛ. З 1795 г. у Расійскай імперыі, з 1801 г. мястэчка Навагрудскага павета Гродзенскай, з 1842 г. Мінскай губерні. З 1884 г. Наваельня чыгуначная станцыя на лініі Вільня — Лунінец. У 1886 г. сяло Дварэцкай воласці Слонімскага павета Гродзенскай губерні, 99 жыхароў, 11 двароў, 2 царквы, карчма. У 1921-39 гг. у складзе Польшчы, у Дварэцкай гміне Слонімскага павета Навагрудскага ваяводства. З 1939 г. у БССР, з 1940 г. цэнтр сельсавета ў Дзятлаўскім раёне. З 1945 г. гарадскі пасёлак, цэнтр Дзятлаўскага раёна (да 1954 г.). У 1962-65 гг. у Навагрудскім раёне. Мемарыяльная калона Касцёл Найсвяцейшага Сэрца Ісуса Царква Раства Багародзіцы Камбікормавы завод, хлебапякарня, сярэдняя школа, школа рабочай моладзі, Дом культуры, 2 бібліятэкі, бальніца, аддзяленне сувязі, камбінат бытавога абслугоўвання, санаторый «Наваельня». Брацкія могілкі і брацкая магіла савецкіх воінаў і партызан. Помнікі архітэктуры: царква Раства Багародзіцы (1876-79), касцёл Найсвяцейшага Сэрца Ісуса (1936). Аўтар: Г.М.Новікава Крыніца: «Беларуская энцыклапедыя» |
|