Субота, 20.10.2018, 20:27

РЭПЛЯЎСКІ КАСЦЁЛ НАЙСВЯЦЕЙШАЙ ДЗЕВЫ МАРЫІ


РЭПЛЯЎСКІ КАСЦЁЛ НАЙСВЯЦЕЙШАЙ ДЗЕВЫ МАРЫІ размяшчаецца ва ўсходняй частцы вёскі Рэпля Ваўкавыскага раёна Гродзенскай вобласці. Пабудаваны ў 1902—09 гады з цэглы на месцы папярэдняга драўлянага храма. Пасля Вялікай Айчыннай вайны закрыты, асвячоны 8.12.1992 года біскупам А.Кашкевічам. На 1997 год налічвалася каля 1600 парафіян.

Аўтар фота - Андрэй Дмітрыеў (globus.tut.by)

Помнік архітэктуры неаготыкі. Буйнамаштабны храм вырашаны паводле канона трохнефавай двухвежавай базілікі з прамавугольнай апсідай і дзвумя сакрысціямі. Архітэктурная кампазіцыя пабудавана на імкненні да вертыкальнага дынамізму, што дасягаецца спічастымі шпілямі вежаў, высокімі стральчатымі аконнымі праёмамі і нішамі, аркатурамі, ступеньчатымі контрфорсамі. Тарцы аб'ёмаў завершаны зубчастымі двухграннымі шчытамі. Над стральчатым уваходным парталам размешчана круглае акно-ружа, фасад завершаны ступеньчатым атыкам.


У інтэр'еры цыліндрычныя нервюрныя скляпенні. Абразы пачатку 19 стагоддзя «Святая Сям'я» і «Святы Казімір».

У кутку бутавай агароджы размешчана мураваная капліца, вырашаная ў адзіным з касцёлам архітэктурным стылі. Прамавугольнае ў плане збудаванне пад двухсхільным дахам, тарцы якога закрыты двухграннымі зубчастымі шчытамі. На фоне бутавай муроўкі бакавых сцен вылучаны чырвонацагляныя вуглавыя лапаткі і аркатурны фрыз.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [97]
Малая краязнаўчая энцыклапедыя [115]
Культура [143]
Адукацыя [16]
Спорт [623]
Здарэнні [141]
Грамадства [255]
Эканоміка [10]
Транспарт [70]
Блог [6]
Падарожнічаем разам [11]
Каляндар
«  Кастрычнік 2018  »
ПанАўтСерЧацПятСубНяд
1234567
891011121314
15161718192021
22232425262728
293031
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.