Серада, 23.05.2018, 02:01

ЛІДСКІ КАСЦЁЛ УЗВЫШЭННЯ СВЯТОГА КРЫЖА


ЛІДСКІ КАСЦЁЛ УЗВЫШЭННЯ СВЯТОГА КРЫЖА размяшчаецца на вуліцы Савецкай ў цэнтры горада Ліда Гродзенскай вобласці. Пабудаваны ў 1747(65)—70 гг. з цэглы як фарны (парафія заснавана каралём Уладзіславам Ягайлам у 1387 г.), верагодна, па праекту віленскага архітэктара І.К.Глаўбіца. У 1928 г. асвячоны архібіскуп Р.Ялбжыкоўскім. Быў абкружаны мураванай агароджай з барочнай брамай (не захаваліся).


Помнік архітэктуры барока і ракако. Трохнефавая двухвежавая базіліка (вежы разабраны ў час пажару 1821 г.) з прамавугольнай апсідай і бакавымі нізкімі сакрысціямі накрыта двухсхільным чарапічным дахам з вальмамі над апсідай. Галоўны фасад завершаны фігурным шчытом з трохвугольным франтонам, расчлянёны слаістымі пілястрамі. Яны разам з высокімі арачнымі аконнымі праёмамі ў плоскіх ліштвах ствараюць рытміку бакавых фасадаў з вытанчана прафіляваным антаблементам. Цэнтральны неф апяразаны крапаваным антаблементам і перакрыты разам з алтарнай часткай цыліндрычным скляпеннем з распалубкамі, бакавыя — цыліндрычнымі на падпружных арках, сакрысціі перакрыты плоскай столлю на падугах.


Інтэр'ер, афармленне якога прыпісваецца Глаўбіцу, упрыгожвае фрэскавая размалёўка скляпенняў, сцен, аконных адхілаў, скульптура і арнаментальная лепка ў стылі ракако. У ім тры стукавыя алтары. Цэнтральны вырашаны ўзнятай на высокі пастамент карынфскай каланадай з хвалістым антамблементам, над якім лунаюць анёлы; размаляваны пад шэра-блакітны мармур; фланкіраваны ў аснаванні скульптурамі святых апосталаў Пятра і Паўла. Алтарная скульптура «Укрыжаванне» размешчана на маляваным фоне з выявай Галгофы, акаймавана ракайльнай рамай. Над ёй у барочным картушы размешчаны абраз «Тайная вячэра». У завершы алтара ляпныя воблакі, якія акаймоўваюць круглую люкарну. Аналагічна вырашаны і два бакавыя алтары: двух’ярусная насценная кампазіцыя на філёнгавым п'едэстале, на яго ўзняты дзве карынфскія калоны, што нясуць фігурны шчыт з пуцці і дэкаратыўнымі вазамі. Алтары выкананы ў тэхніцы штучнага мармуру. На скляпеннях у ракайльным арнаментальным абрамленні размешчаны фрэскавыя пано «Узвышэнне Святога Крыжа», «Маці Божая», «Звеставанне», «Беззаганнае Зачацце», «Уручэнне ключоў святому Пятру», чатыры картушы з выявамі евангельскай сімволікі. Гісторыка-мастацкая значнасць надаецца абразу «Маці Божая з дзіцем», прывезенаму быццам з Візны (Беластоцкае ваяводства) у 1376 г. першымі місіянерамі-францысканцамі. Фрэскавы жывапіс выкананы ў вохрыста-умбрыстай каляровай гаме з перавагай блакітна-зялёных таноў. У стылі ракако вырашаны каваны амбон у выглядзе трыльяжнай чашы з накладнымі картушамі. Над уваходам на вялікай арцы ўзняты хвалістыя хоры. На міжнефавым слупе з правага боку ў 1933 г. ўмуравана мемарыяльная пліта з успамінам аб перамозе пад Венай.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [140]
Адукацыя [15]
Спорт [553]
Здарэнні [131]
Грамадства [251]
Эканоміка [10]
Транспарт [70]
Блог [6]
Падарожнічаем разам [12]
Каляндар
«  Май 2018  »
ПанАўтСерЧацПятСубНяд
 123456
78910111213
14151617181920
21222324252627
28293031
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.