Серада, 23.08.2017, 22:25

АГАРЭВІЧЫ


АГАРЭВІЧЫ (Огаревичи - русс.) — вёска, цэнтр Агарэвіцкага с/с, за 7 км на ўсход ад горада і чыгуначнай станцыі Ганцавічы на лініі ЛунінецБаранавічы, транспартныя сувязі на аўтадарозе Ганцавічы — Сіняўка — Клецк. 1133 жыхары (14.10.2009 г.).



Агарэвічы, Огаревичи
Уезд у вёску Агарэвічы з боку горада Ганцавічы

Паводле мясцовага падання, першапачатковая назва Пагарэвічы (гэта значыць пабудаваная пагарэльцамі). Упершыню ўзгадваецца ў 1473 г. як сяленне Клецкай воласці Новагародскага ваяводста ВКЛ. У сярэдзіне XVI ст. вялікі князь Казімір аддаў сяло Ёдку Неміровічу. Пасля 2-га падзелу Рэчы Паспалітай з 1793 г. ў складзе Расійскай імперыі. У 1816 г. аднайменныя вёска і маёнтак Круговіцкай воласці Слуцкага павета Мінскай губерні. Да 1845 г. вёска з'яўлялася цэнтрам праваслаўнага прыхода, потым была аднесена да Круговіцкага прыхода. У 1886 г. сяло, 26 двароў 408 жыхароў, праваслаўная царква. Побач знаходзіўся маёнтак Агарэвічы. Паводле перапісу 1897 г. вёска, 118 двароў, 687 жыхароў, працавалі хлебазапасны магазін, піцейны дом, капліца, 2 крамы. У маёнтку (13 жыхароў) працаваў лесапільны завод. У пачатку ХХ ст. Агарэвічы ўяўлялі сабой буйную вёску, якая мела 121 двор, каля 640 жыхароў. Побач з вёскай размяшчаўся аднайменны маёнтак (9 жыхароў).

У лістападзе 1917 г. ўстаноўлена савецкая ўлада у лютым 1918 г. акупіравана германскімі, войскамі, з сакавіка 1919 г. — войскамі Польшчы. Савецкая ўлада аднаўлялася ў пачатку 1919 г. і ліпені — жніўні 1920 г. З 1921 г. ў складзе Польшчы, калонія Круговіцкай гміны Лунінецкага павета Палескага ваяводста, 174 дамы, 980 жыхароў (з іх 964 праваслаўныя беларусы), і фальварак (6 будынкаў 59 жыхароў).

З 1939 г. ў складзе БССР, вёска. У 1940 г. 201 двор, 1520 жыхароў, працавалі смалакурны завод, няпоўная сярэдняя школа, у былым маёнтку створаны саўгас «Агарэвічы». З 12.10.1940 г. цэнтр Агарэвіцкага с/с Ганцавіцкага раёна Пінскай вобласці.

Вуліцы вёскі

У Вялікую Айчынную вайну з 30.07.1941 г. да 07.07 1944 г. вёска акупіравана нямецка-фашысцкімі захопнікамі. На франтах вайны загінулі ў баях, памерлі ад ран ці прапалі без вестак 55 вяскоўцаў. З 08.01.1954 г. ў Брэсцкай вобласці. Паводле перапісу 1959 г. 417 гаспадарак, 1502 жыхары. З 25.12.1962 г. да 30.07. 1966 г. ў Ляхавіцкім раёне. Паводле перапісу 1970 г. 1638 жыхароў.


Сельскі Дом культуры

У вёсцы знаходзяцца выканком сельсавета, майстэрні, ветэрынарны пункт, млын, сярэдняя школа, Дом культуры, урачэбная амбулаторыя, царква, аддзяленне сувязі, аўтаматычная тэлефонная станцыя, дзіцячыя яслі-сад, гандлёвы цэнтр.

Магазін "Пралеска"

Нарыхтоўчы ларок

Дзіцячы яслі-сад

Будынак сярэдняй школы

Будынак амбулаторыі

У цэнтры вёскі помнік савецкім воінам і партызанам — стэла з гарэльефнай выявай салдата (скульптар А.Я.Шушкоў, 1966 г.) у памяць аб савецкіх воінах і партызанах, якія загінулі ў баях супраць нямецка-фашысцкіх захопнікаў у Вялікую Айчынную вайну.

Агарэвічы, Помнік землякам
Помнік землякам

Агарэвічы, Свята-Уладзіміраўская царква
Свята-Уладзіміраўская царква

Захавалася былая панская сядзіба, пабудаваная ў 2-й паловы ХІХ ст., у цэнтры вёскі, уключае драўляны сядзібны аднапавярховы дом, парк з садам і сажалкамі, гаспападарчыя пабудовы. Сядзіба з'яўляецца помнікам эклектычнай архітэктуры.


Сядзібны дом


Гаспадарчая сядзібная пабудова

Каля Агарэвічаў (3 км на усход, ва ўрочышчы Юліна) ёсць археалагічны помнік — курган ХІ ст., належаў дрыгавічам. Раней тут было 15 курганоў. Выявіў помнік у 1951 г. Б.В.Міралюбаў, даследваннямі займаліся таксама Ю.В.Кухарэнка і М.Ф.Гурын. Знойдзеныя матэрыялы захоўваюцца ў Беларускім музеі Палесся ў Пінску.

Огаревичи
Курган і яго спрадвечны сусед дуб

На тэрыторыі Агарэвіцкага с/с існуюць вёскі Агарэвічы, Вялікія Круговічы, Дубнякі, Калонія, Красынічы, Кукава, Малыя Круговічы, Новыя Агарэвічы, Перадзел, Шашкі.
Падрыхтавана паводле кнігі Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. 


Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [136]
Адукацыя [12]
Спорт [441]
Здарэнні [109]
Грамадства [227]
Эканоміка [10]
Транспарт [66]
Блог [6]
Падарожнічаем разам [7]
Каляндар
«  Жнівень 2017  »
ПанАўтСерЧацПятСубНяд
 123456
78910111213
14151617181920
21222324252627
28293031
Хто тут?
Анлайн усяго: 2
Гасцей: 2
Карыстальнікаў: 0

http://www.alsena.ru/ cargotrans траспортная компания.
Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.